瑜伽班有兩個用途：
- 籍每次練習完後嘅改善，逐次逐次開啟你
- 將學習內容帶走，然後按方法有序有格地練習，直至你下一次入班房
「瑜伽改變世界」出現嘅方法，係不論你自己按章練定入班房練，總之以日復日、一次一次開啟後的你去處理生活，去處理情緒波浪。
而不是把說話 / 單純理論硬背出，而砌詞入生活，這只是 copy & paste ，只係扮哂野。
如是，你仍然是加深惡性 Karma 中，那只會越學越塞、越是作狀。
如果目前未出現過「改變」，只有兩個原因：
- 練得唔啱
- 練得未夠（俾啲耐性）
1% 理論，99% 練習
我開班模式是按月/按堂收費，
當遇上有部分提問，面對面的對談只能點到即止，因為唔想接收者誤會我在賣多啲堂，而令重點訊息流失。
所以而家又對住空氣講，或你不在般那上堂的也是一樣合適：
如果你每星期只練一兩堂而未見改善：
你覺得係練習內容力量唔夠大，
還是你班房外的 432000 秒 (只是 5 天的時間) 嘅新 karma 力量太大？
（你每秒是有75 個剎那，每一起心動念是在一個剎那 ）
知道自己有大量學習空間係好事，
咁一係就自律踏實每天主動練，俾自己多點耐性。一係，多上堂。
總之就是練習。
（你覺得你有另一位老師可以專注好好學的，減我嘅堂都一樣是對。唔好雜。）
相關文章：Ksana 剎那 – 每念之間
踏實的瑜伽情操 – 放下你認識的「時間」
任何人都有 24 小時，既然每日仍然在花大量時間在發夢輪迴，不練、不改、也不減你的習以為常，又何苦在生活間偶然一次的堂中忽然認真？
上堂時單純點，當拉吓筋一樣是可以。
反正，人的領受程度是跟練習時間成正比的，再問得多但練習不配合的話，你能真正領受的範圍也就只限在拉筋上。
程度不是靠在口中問嘅問題而定，亦非靠背字而定。
年期更加是癈話，方向不對的 20 年就是不對的 20 年。
你能放低你的年期嗎？
其中一個超大超常見嘅誤解，是以為將學到聽到的理論教法可以硬性記住，然後離開班房時就背出唻用，以為識背等於「有」。
到底自己是眼高手低、是貪心、還是急進？
還是以上皆是？
踏實了解自己程度，就已經係一個好好、好高尚嘅瑜伽步。
你有無呢份情操？
「慢」，完全唔緊要，先放低你認識的速度就可。
千萬不要抄、不要作狀、不要 copy & paste。
